मानव झाला दानव

चित्र काव्य


***मानव झाला दानव**

असा कसा तू रे मानव
माणुसकी ला कसा विसरला
काय दोष त्या मुक जीवाचा
का त्याचा प्राण घातक ठरला

किती आनंदाने केले सेवन
झाला तयास मनोमनी संतोष
पण मग जळता मुख
सैरावेरा धावे होऊन बेहोष

नाही केला आक्रोश तयाने
लाही लाही झाली सर्वांगाची
दिसता पाणी भरले मुखात
धाव घेतली जलाशयाची


जीव वाचविण्या बाळाचा
शेवटी मातृत्व जपण्यास
पण मानव ठरला दानव
मुक जनावराचा जीव घेण्यास

मानवाने सोडला धर्म माणुसकीचा
काय मिळाले तयास मारुन
का खेळ खेळलास जनावराशी
मुक प्राण्याचा जीव घेऊन


वैशाली वर्तक