नव्या युगाच्या उंबरठ्यावर

नव्या युगाच्या उंबरठ्यावर


नव्या युगाच्या उंबरठ्यावर
टाकुया दृढ निश्चयाचे पाऊल
पळून जातील सारी संकटे
सर्वत्र भासेल यशाची चाहुल

जरी कितीही अंधारल्या रात्री
ग्रासती आहेत सा-या जगताला
 नक्कीच मार्ग मिळेल यातूनी
हिंमतीने पार करु संकटाला

मानवता हाची खरा धर्म
घासातील घास करुनी अर्पण
जाणूनी जीवनाचे खरे मर्म
नव्या युगात करु पदार्पण

विज्ञानाची धरूनीया कास
 नावे प्रगतीच्या नको निसर्ग -हास
लक्षात घेऊ पर्यावरण विकास
मनी राखूया सदा उत्कर्षाचा ध्यास


उत्तम संस्कार देऊनी बाळांना
पावले उचलण्या स्व-हिंमतीवर
उद्याचे पहातील उज्वल भाग्य
नव्या युगाच्या उंबरठ्यावर

वैशाली वर्तक