डोळे हे जीलमी गडे

यारिया साहित्य कला आयोजित
विषय -डोळे हे जुलमी गडे

शीर्षक- खेळ कटाक्षाचा

लाडिक बट सावरण्याचा
चालविला तू उगा बहाणा
तिरप्या नजरेने तू पाही
समजण्या मी होतो शहाणा

सहजतेने पहाता तुजला
सवय ही जडली मनाला
कितीदा नव्याने समजाविले
 काही केल्या रुचेना जीवाला

डोळे हे जुलमी गडे
ठसले मम चित्तात
तिरपा कटाक्ष तुझा
घुसला थेट काळजात

 पूरे ना खेळ कटाक्षांचा
भुरळ माझ्या मनाला पडे
किती समजावू तुजला
डोळे हे तव जुलमी गडे.

वैशाली वर्तक