अव्यक्त अबोली साहित्य मंच आयोजित स्पर्धा
स्पर्धासाठी
विषय - माझे वडील माझा आदर्श
*निष्ठावंत बाबा*
माझा बाप निष्ठावंत
तोची घराचा आधार
किती आनंदे संभाळी
सा-या कुटुंबाचा भार
लेकरांच्या सुखासाठी
सदा तळमळ साही
स्वतः कडे दुर्लक्षता
कुटुंबाचे सुख पाही
चिंता आम्हा लेकरांची
मनी एकची तो ध्यास
होवो मुले यशवंत
हीच असे मनी आस
सारुनिया हौसमौज
सदा घडविण्या दक्ष
पुरविले हटृ लाड
गुणी बाळांकडे लक्ष
आहे संगे मायबाप
आहे मीच भाग्यवान
गेल्या जन्माची पुण्याई
झालो आम्ही पुण्यवान
तेची मजला सर्वस्व
बाबा आहेत आदर्श
पोहण्यात पारंगत
माझा केलाय उत्कर्ष
किती ऋण मजवरी
कधी न व्हावा विसर
फेडण्यास त्याचे ऋण
घडो सेवा निरंतर
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा