उपक्रम
विषय- बावरे हे मन
कसे सांगू तुला मी
मन हे झाले बावरे
कधी येशील जवळी
सखया भेटण्या धावरे
वाट पाहूनी सखया
लागे न लक्ष कशात
कसे समजावू मनाला
जीव गुंतला तुझ्यात
वा-याची झुळूक ही
अलगत स्पर्शूनी जाता
सांगे कानात सांगावा
तुझ्या येण्याचा आता
बघ तो चंद्र नभीचा
त्याला आहे जाणीव
माझ्या मनाची त्याला
कळतेय आज उणीव
वाट पहाण्याची सख्या
माझ्या मनाची रीत
बघ सांजवेळ झाली
धुंद मनी ही प्रीत
वैशाली वर्तक
कोणत्याही टिप्पण्या नाहीत:
टिप्पणी पोस्ट करा