सावली प्रकाशन समुह
काव्य प्रकार -- अभंग
विषय -- साहित्याची गोडी
स्पर्धेसाठी
वाचन आवड ।
करीते मनन ।
देतसे स्फुरण ।
विचारास ।। 1
असता मनात ।
वाचनाची गोडी ।
लिखाणास जोडी ।
मिळतसे ।। 2
ओढ साहित्याची ।
मनी संकल्पना ।
मिळते कल्पना ।
लिखाणास ।। 3
किती पहा त-हा ।
मोठाच पसारा ।
गद्य पद्य धारा ।
साहित्याच्या ।। 4
मराठी साहित्य ।
आहेच सखोल ।
जाणा त्याचे मोल ।
वाचुनिया ।। 5
संताचे वाङमय ।
देते मना शांती ।
नुरतेच भ्रांती ।
जीवनाची ।। 6
विनोदी रहस्य ।
मार्मिक सात्विक ।
प्रतिभा प्रतिक ।
प्रकार ते ।। 7
म्हणूनच ऐका ।
साहित्याची गोडी।
मना मना जोडी ।
सांगे वैशू ।। 8
वैशाली वर्तक
कोणत्याही टिप्पण्या नाहीत:
टिप्पणी पोस्ट करा