मसामं बोरीवली विभाग
काव्य लेखन स्पर्धा
स्पर्धेसाठी
*क्षण सुखाचे*
क्षण सुखाचे शोधावे
भरलेल्या जीवनाते
आनंदाने सदा जगा
बहरतील ते क्षणाते
पहा ऊषा उजळली
घेत नव्या आशेचा साज
क्षण सुखाचे वेचावे
आनंदाचा लावूनी ताज
होता मना सारखे वाटे
सुख आले माझ्या दारी
उपभोगा क्षण सुखाचा
मनी समाधाने वाटे भारी
ऊषे नंतर येता निशा
टिपूर चांदणे मोहीते मन
लुटा अनामिक आनंद
वाटती हे पण सुखाचे क्षण
भरले हे जग मोदाने
नको उदासिनता मनात
मोद विहरतो चोहीकडे
मिळतात सुखाचे क्षण क्षणात
वैशाली वर्तक
अहमदाबाद (गुजरात)
कोणत्याही टिप्पण्या नाहीत:
टिप्पणी पोस्ट करा