काव्य स्पंदन 02 राज्य स्तर
**उगवला रविवार**
वाट पहाती लोचने
कधी येणार सुखाचा
मस्त लोळत पडावे
दिन वाटे आनंदाचा
नसे आज धावपळ
उठा आज आरामात
नको पहाणे घड्याळ
सारे कसे निवांतात
असे रजेचे रंजन
भोजनात काही खास
आवडीने बनविता
दरवळे तो सुवास
जणु हक्काची मानती
वामकुक्षी वाटे हवी
सात दिन धावण्यास
स्फूर्ती मनी देण्या नवी
सूर एकूण रजेचा
शिणलेल्या त्या मनाला
मिळे जरा विरंगुळा
देई मोद तो जीवाला
वैशाली वर्तक
कोणत्याही टिप्पण्या नाहीत:
टिप्पणी पोस्ट करा