शब्दरजनी साहित्य समूह आयोजित
स्पर्धेसाठी चित्र काव्य
रोज निघे पहाटेला
फुलवाया शिवाराला
घाम गाळता मातीत
कष्ट येती ते फळाला
केले जीवापाड कष्ट
फुलविले ते शिवार
आली कारभारीण ती
घेऊनिया कांदा भाकर
प्रेमे भरवी धनीला
सदा प्रेमाचा तो घास
मिळे मनी आनंद
वाटे धनी माझा श्वास
रमले दोघे बांधावर
एकमेका देता भाकर
गुण्या गोविंदाने खाती
वाटे नाही कुणाचे चाकर
वैशाली वर्तक
कोणत्याही टिप्पण्या नाहीत:
टिप्पणी पोस्ट करा