भाऊराया ( गीत रचना )

भावगीत 

विषय- भाऊराया

स्पर्धे साठी

अक्षर संख्या 16  .यति 8

सय येता माहेराची, आठवतो बंधुराया

सदा दावी प्रेमभाव, बहिणीची वेडी माया ....  धृव पद

राखी बांधता भावास , जरी असे तो लहान      

उभा रहातो पाठीशी,   बंधु प्रेम  हे महान         

बालपणी दंगा मस्ती, करी हाच भाऊराया

सय येता माहेराची ,  आठवे तो बंधुराया             1

येता भाऊबीज सण,  धाव घेई भावापाशी

त्याच्या प्रेमळ मायेची , नाही तुलना कोणाशी

तया सम बहिणीची , सदा भावावरी माया

सय येता माहेराची, आठवे तो बंधुराया     2

कृष्ण भाऊ द्रौपदीचा, पहा कसा तिच्या साठी

येता प्रसंग कठीण, राही उभा  सदा पाठी     

बहिणीच्या प्रेमापायी,  पहा तो झिजवी काया

सय येता माहेराची , आठवे तो बंधुराया           3

कोड नं 

RML 227