कल्याण डोंबिवली महानगर समूह2
आयोजित
उपक्रम
काव्य लेखन
विषय - गार वारा
तप्त ग्रीष्मात हवासा वाटे
थंड गार गार वारा
स्पर्शता सुख अनुभवे
झुळुक रूपात न्यारा
गार वारा सोसायट्याचा
वाहे येता वर्षाधारा
मुजोर वारा छळे ललनास
पदर सावरता उठे शहारा
थंड गार वारा शरदातला
झोंबता अंगास भासे थंडी
सहज करी आठवण
घाला गरम कपडे बंडी
समुद्र किनारी गार वारा
वहात येई लाटांवरी
करीता गुजगोष्टी लाटांशी
प्रसन्नता देई किना-यावरी
ऊन्हाच्या झळा साहूनी
शीत वा-याचा घेण्या सहारा
सुसह्य करण्या भासे गरज
वातानुकुलचा थंड वारा
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा