पेलते जवाबदारी घराची
प्रवेशिते माप ओलांडूनी
होते पती गृही गृहिणी
वावरते लाजूनी लाजूनी
तीच सावरे घराला
मोठा तिचाच आधार
घरपण देते घराला
पेलून कुटुंबाचा भार
पै पाहुण्यांचा करते आदर
किती रुपात वसे गृहिणी
चिंता तिला सा-या घराची
कधी बहिण ,आई, वा वहिनी
आधुनिक गृहिणी तर
आहे शिक्षीत कर्तृत्वान
संभाळुनी घरपणाला
जगात मिळवे सन्मान .
गृही नसता गृहिणी
घर भासे लगेच भकास
जाते घराची शोभा
कुटुंबजन होतात उदास
वैशाली वर्तक
कोणत्याही टिप्पण्या नाहीत:
टिप्पणी पोस्ट करा