माझी कविता असे साधी
नसे तयात राजकारण
दावते कधी निसर्गाचे रुप
सुंदर कसे ठेवावे पर्यावरण
कवितेत माझ्या भाव सकारात्मक
असली तमेची कधी निशा
लगेच दाखवी उदाहरण
पहा उज्वल आशेची उषा
मन धाव घेई अध्यात्माकडे
दर्शन घडवी संतजनांचे
कधी रंगवी बालमने तर
रंगविते सुंदर चित्र फुलांचे
देते कविता संदेश जनमनाला
सलाम सदाची जवानांना
सांगते आत्म निर्भय बनण्या
कौतुकाची थाप देश सेवकांना
सदा बहरावी माझी कविता
करण्या सेवा माय मराठीची
पसरण्या ख्याती जगताती
हीच सदैव इच्छा वैशालीची
वैशाली वर्तक
कोणत्याही टिप्पण्या नाहीत:
टिप्पणी पोस्ट करा