अष्टाक्षरी
मुलगी माझी गुणाची
जिने उजळीले घर
माझी मुलगी मानाची
आली लक्ष्मीच्या पावले
शान आहे ती घराची
बोल जणु सदा गोड
पहा कामात हुशारी
काम करी धडाडीने
घेते जीवनी भरारी
स्वभावात तो गोडवा
गायनात गोड गळा
तिच्या आवाजाने पहा
घरी आनंदाचा मळा
उजळली दोन कुळे
सासरची ती लाडकी
सर्वांनाच हवी वाटे
स्वभावाने ती बोलकी
असे माझे कन्या रत्न
भाग्यवान आहे मीच
किती नशीब माझे हे
राही पण शेजारीच
वैशाली वर्तक
कोणत्याही टिप्पण्या नाहीत:
टिप्पणी पोस्ट करा