विषय - श्रावण व्रत
व्रत वैकल्याचा । महिना श्रावण ।
पवित्र पावन । सदासाठी ।।
येता सोमवार । वाहू बिल्व पत्र ।
महादेव मंत्र । चालतसे ।।
श्रावणात येती । सणवार खास ।
मोद हमखास । मनातूनी ।।
नाग पंचमीला । नागाचे पूजन।
ऋणांचे स्मरण । करितात ।।
अष्टमीच्या रात्री । देवकी नंदन ।
आनंदे किर्तन । मंदिरात ।।
ऋषी पंचमीला । करी उपवास ।
बैलासाठी खास । श्रावणात
वैशाली वर्तक
अहमदाबादभाग्योदय लेखणीचा मंच
आयोजित
विषय - मज अभय दे
देवीचे पूजन । करण्या हजर ।
करीत गजर । अंबाईचा ।।
सुंदर ते रूप । घरोघरी दीप
देवीच्या समीप । लावियले ।।
देवी तुझ्यासाठी । केलीय तयारी ।
मनास उभारी । तूची देशी ।।
देवीच्या स्वागता । मोद वाटे फार
सहते ती भार । जगताचा ।।
देवी ठेव कृपा । तुजला सांगणे ।
नुरते मागणे । तुजलागी ।।
मज अभय दे । मजला दे शक्ती ।
करीन मी भक्ती । नित्यनेमे ।।
सहवासे तुझ्या । जागतो विश्वास ।
लागलाची ध्यास । अंतरंगी ।।
वैषशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा