महाराष्ट्र साहित्य सुगंध
उपक्रमासाठी
विषय - पावसाची सर
कृष्ण मेघांचे आभाळ
वारा वाहतो जोरात
उडे पाने चोहीकडे
मेघ गर्जती नभात
मोर नृत्य मनोहर
पक्षी झेलती थेंबांना
धारा पडता अंगणी
हर्ष होई बालकांना
सर पावसाची येता
मृदगंध पसरला
तृप्त जाहली अवनी
मोद भरूनी उरला
लता वृक्ष तरारल्या
दारी पागोळ्या पडती
मुले ओंजळ भरुनी
मोदे पाण्यात खेळती
जो तो जाई भारावूनी
मजा पावसाची वेगळी
मन होई उल्हासित
चव भज्यांची आगळी.
राहे स्मरणी पाऊस
आठवांना येई पूर
घडो जरी गतकाळी
येतो भरुनिया ऊर
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा