घंटानाद 23/5/21
नाही ऐकला घंटानाद
शाळेतील घंटेचा
किती दिवस जाहलेत
कानी पडून नाद विठुच्या आरतीचा
येऊ शकत नाही भक्त गण
मंदीरी राऊळी देव दर्शनास
कशी देतील जाग घंटेने
प्रवेशताना परमेश्वरास
मंदीरात जशी शांतता
तीच शांतता शारदेच्या मंदीरी
नाही मुलांची शिक्षकांची वर्दळ
सारे आपापल्या घरोघरी
कोणासाठी करणार शिपाई
घंटानाद नसता हसरी मुले
मंदिरात देखिल तेच दिसे
निस्तेज ती वाहीलेली फुले
असता टाळेबंदी शिपाई
प्रेमाने कुरवाळी घंटेला
करीत खेद , विचारी मनी
कधी ऐकीन घंटानादाला
तीच स्थिती नगर जनांची
ऐकू येत नाही सकाळी
दूर वरची तान भजनाची वा
कधी ऐकणार सुरेल भुपाळी
वैशाली वर्तक
कोणत्याही टिप्पण्‍या नाहीत:
टिप्पणी पोस्ट करा