यारिया साहित्य समूह
सुधाकरी -- अभंग
विषया-- माणसात देव
करावे सत्कर्म
हाची खरा धर्म
जीवनाचे मर्म
जाणा सदा
देव सत्कर्मात
माणसात वसे
सर्वा पहातसे
देव सदा
ऐका संत वाणी
कर्म हाची देव
आयुष्याची ठेव
सदासाठी
पहा तो कर्मात
नसे तो मंदिरी
आपुल्या अंतरी
सदाकाळ
मानवता जपा
**मी* चा तो अभाव
समतेचा भाव
ठेवामनी
रंजिले गांजिले
करा त्यांची सेवा
देतो देव मेवा
सदाकाळ
नको जाती भेद
सारेची समान
न कोणी महान
ठेवा भाव
वैशाली वर्तक
कोणत्याही टिप्पण्या नाहीत:
टिप्पणी पोस्ट करा