साहित्य सेवा प्रज्ञा मंच आयोजित
काव्य प्रकार -- अष्टाक्षरी
स्पर्धेसाठी
विषय -- **कंकण*
लग्नातील एक विधी
असे बांधणे कंकण
जन्मभर देऊ साथ
याचे मनास बंधन
बांधी सैनिक कंकण
सेवाव्रती रक्षणाचे
येवो कितीही संकटे
देशसेवा करण्याचे
हाती कंकण आनंदे
जन सेवेचे बांधिले
फुले ज्योतिबारावांनी
सारे आयुष्य वेचिले
येते शोभा कंकणाने
हात शोभून दिसती
दान देता शोभा वाढे
संत सदाची वदती
कंकणाची किणकिण
सवाष्णींना सुखावते
नाद तिचा येता कानी
सखयाला खुणावते.
वैशाली वर्तक
अहमदाबाद
गुजरात
कोणत्याही टिप्पण्या नाहीत:
टिप्पणी पोस्ट करा