शब्द शिल्प कलाविष्कार संघ
आयोजित उपक्रम
विषय...मनाचा हळवा कोपरा
शीर्षक.. माझे अंगण
रोज आवडे मजला
माझ्या अंगणी बसणे
वाटे कितीही बसले
तरी समाधान नसणे
एक एक चहाचा घोट
घेते बसून खुर्चीवर
कानी येते किलबिल
भासे गोड क्षणभर
दावित तिची चपळता
जाई मधूनच खार
एका बाजूला मी गुंफते
अंगणातल्या फुलांचे हार
मंद झुळूक वाऱ्याची
मनाला असते सुखावत
सकाळची भक्ती गीते
ऐकून मन माझे रमवत
अशी रम्य सकाळ
वाटे कधी न संपावी
अशातच सहजची
मम लेखणी झरावी .
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा