सिध्द लेखिका समूह
विषय - चैत्र पालवी
संपे पानगळ वृक्षांची
वृक्षांची पाने पाही वाट
चैत्र पल्लवी अंगोपंगी
अंगोपंगी दिसेल थाट
संपली पानगळ आता
आता निसर्ग बहरेल
लेवूनिया कोवळी पर्णे
पर्णे सृष्टीला खुलवेल
थंड वा-याची ती झुळूक
झुळूक शहारेल अंग
फुले फुलतील मोहक
मोहक रंगी होऊ दंग
मोहरेल बहावा पळस
पळस दिसे वनोवनी
वसंताचे नव चैतन्य
चैतन्य पहा मनोमनी
चैत्र महिना चैतन्याचा
चैतन्याचा नव वर्षाचा
मनी उभारी देत असे
असे चैत्र मास हर्षाचा
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा