काव्य सम्राट साहित्य मंच
विषय - देव नाही देवालयी
अष्टाक्षरी
*वसे चराचरात
सदा करावे सत्कर्म
देव वसतो कर्मात
तेथे असतो देवच
देव नसे देव्हा-यात
नको पूजा जप ताप ,
देव वसे आपल्यात
नका शोधू देव्हा-यात
वसे तो चरा चरात
देता गरीबास अन्न ,
दोन आपुले कवळ
तृप्त होऊनी हसला
आला असता जवळ
ओळखला नाही तया
तोची जेवला सुखात
नका शोधू देव्हा-यात
वसे तो चरा चरात
कळी पहा उमलली
सुगंधाने गंधाळली
वा- यासंगे डौलताना
उषा हसत लाजली
सारी देवाची करणी
घडवितो दिनरात
देव वसे तो फुलात
शोधा तया निसर्गात
वैशाली वर्तक
अहमदाबाद
कोणत्याही टिप्पण्‍या नाहीत:
टिप्पणी पोस्ट करा