अ भा म सा प स्वप्न गंध समूह आयोजित सराव उपक्रम
षडाक्षरी काव्य लेखन
विषय- स्पर्श
*विविधता स्पर्शाची*
पहिलाच स्पर्श
असतो मातेचा
वाटे जिव्हाळ्याचा
जीवास मायेचा
माध्यमे प्रेमाची
स्पर्श वा कटाक्ष
भाव अंतरीचे
दाखवी चाणाक्ष
प्रेमळ स्पर्शाने
मनास उभारी
घेण्या जीवनात
सदैव भरारी
स्पर्शण्या जलाला
अवनी अतृप्त
मेघ बरसता
होत असे तृप्त
सागरीच्या लाटा
येती उसळूनी
स्पर्शता किना-या
विरती लाजूनी
विठु दर्शनाची
स्पर्शण्याची आस
चोख्याला लागली
मनी एक ध्यास
अजून स्मरतो
स्पर्श तो सख्याचा
बेधुंद केलेला
हर्षीत मनाचा
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा