नक्षत्र वेल आयोजित आजचा उपक्रम
विषय -- अक्षरांच्या बाजारात
अक्षरांच्या बाजारात
मारला फेर फटका सहज
किती त-हा अक्षरांच्या
वाटले ,मला आहे यांची गरज
काही अक्षरे रोजचीच
निवडली मी आवडीने
पाहून त्यांना आली दुसरी
मनी म्हटले, घेऊ त्यांना सवडीने
असे करिता मनी साठली
गर्दी अनेक अक्षरांनी
उचंबळलेल्या भावनांना
वाट करुन दिली शब्दांनी
एक -एक शब्दफुले गुंफता
झाली कवितेची तयारी
मन माझे आनंदून म्हणाले
बरे झाले,आली अक्षर बाजारी
वैशाली वर्तक
कोणत्याही टिप्पण्या नाहीत:
टिप्पणी पोस्ट करा