खट्याळ सासू नाठाळ सून
खट्याळ सासू नाठाळ सून
जोडी अशी सासू सूनेची
मग काय रोजची गंमत
कोण कोणास बोलणार
ऐकण्यास येई खूपच जंमत
खट्याळ सासू वदली
करुया का आज पालेभाजी?
सून, नक्कीच वदणार... बोलणार
चालू द्या ,सदा तुमचीच मर्जी .
खट्याळ सासू करी पूजा. बसता पूजेला
तेव्हाच सून लावी टीवी जोरात
नाठाळपणा तिचा ती दावी
त्रास होई सासुला स्तवनात
नाठाळ सूनेने केला ....लादी पोछा
म्हणे कौतुकाने कसे,... स्वच्छ पहा घर
काढावी अडगळ आताच
खट्याळ सासू वदली त्यावर .
मते जुळणे होई कठीण
वाद विचारांची सदा रंगत
असून अशी जोडी दोघांची
तरीही जमते छान संगत
अशी जोडी सासू सूनेची
दिवसभर मजेचा खेळ
एकीचे तोंड पुर्वेस तर
दुजीचा कधीच न जमे मेळ
वैशाली वर्तक
अहमदाबाद
वैशाली वर्तक
कोणत्याही टिप्पण्या नाहीत:
टिप्पणी पोस्ट करा