-देवा सरु दे माझे मी पण
वैशाली वर्तक
ओळ काव्य
देव जर मला भेटला
सांग तव ईच्छा म्हणाला
आधी मागीन मी तयाला
संपव माझ्यातील मी पणाला
षडरीपूंनी जग हे भरलेले
दूर तया सारण्या दे शक्ती
तूच भर भाव मम हृदयी
मी पण सारण्या घडो भक्ती
विसर न व्हावा कधी तुझा
घडू दे निरंतर तव सेवा
सरू दे माझे मी पण
द्यावा हाची कृपेचा ठेवा
वृक्षलता करती उपकार
तशीच घडो सेवा हातूनी
न दाविता अहम भाव
सरु दे मी पण मनातूनी
हेची दान दे देवा आता
आले मी तुला शरण नाथा
सरु दे देवा माझे मी पण
टेकवीते तव चरणी माथा
कोणत्याही टिप्पण्या नाहीत:
टिप्पणी पोस्ट करा