साहित्य दर्पण कला मंच नागपूर
आयोजित उपक्रम क्रमांक २२२
विषय..ओल्या मातीचा सुगंध
शीर्षक..आसमंती दरवळ
काळ्या मेघांचे आभाळ
सोसाट्याचा वारा वाहे
लागे चाहुल पक्षांना
बळीराजा नभी पाहे
शिवारात काळी माती
होती तप्त भेगाळली
बरसता मृग सरी
तृप्त माती संतोषली.
भेटताच तिचा सखा
आनंदली वसुंधरा
ओल्या मातीचा सुगंध
पसरवी मंद वारा
ओल्या मातीचा सुगंध
करे प्रसन्न मनाला
कसा ओला ओला वास
हवा हवासा वाटेजनाला
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा