बालविश्व साहित्य मंच
बालदिनानिमित्त काव्य लेखन
विषय ....बालदिन
लहान मुलं असती प्रिय
मुले भासती लोभस
आवडती सर्व जनांना
मनाने असती ती निरागस
मनी नसती हेवेदावे
जे दिसे वाटे त्या आपुले
मस्त रमती खेळ खेळता
न मिळता दावी वाकुले
जन्म दिन नेहरुचाचांचा
बालदिन नावे करती साजरा
ठेवू त्यांना सदा आनंदी
पाहू त्यांचा चेहरा हासरा
देऊनी योग्यची संस्कार
तेच उद्याचे देशाचे शिल्पकार
बनवू त्यांना उत्तम नागरिक
भारतभूला उज्वल करणार
मन धावे बालपणात
प्रत्येकात वसे बालक
कधी मनातून भाव जागती
जरी झालो आता पालक
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा