लालित्य नक्षत्र वेल
विषय - १ साथ दे तू मला
*मन वेडावले*
भेट आपुली पहिली
मज नाही राहवले
माझ्या विचलित मना
तूची मज सावरले 1
पहिल्याच भेटीतला
वाटे अश्वासक स्पर्श
दिले अनामिक सुख
देतो मना सदा हर्ष 2
छंद तुला बघण्याचा
कसे आवरु मनाला
तुझाओझरता स्पर्श
वेड लावितो जीवाला 3
गंध तुझ्याच प्रीतीचा
सदा रहातो अंतरी
मनी वसंत फुलतो
विश्वासाने ऊर भरी 4
ऐक तू मम सखया
देशील ना तू साथ
मन तुझ्या त गुंतले
मागते मी तुझा हात 5
वैशाली वर्तक
अहमदाबाद
भारतीय कोल्हापूर साहित्य मंच
आयोजित
स्पर्धेसाठी
विषय..२ .प्रेम आंधळं असते
छानच वाटे प्रेमात
येताची सहवासात
दिसू लागती उणीवा
हेच घडे जीवनात
आधी भासे हिरवळ
नित्य ची परिचयात
खटकू लागे स्वभाव
जाती वाद विकोपात
हवी तडजोड सदा
फुलतो वसंत मनी
न वदे *प्रेम आंधळं*
समजूतीने जीवनी
लाड मुलांचे करण्या
ठरते प्रेम आंधळ
लाडापायी कौतुकात
होतो नेहमी गोंधळ.
वैशाली वर्तक
अहमदाबाद
तू तिथे मी २८/१/२२
३ *आस मनीची*
सुमनांचा गंध कधीच
दूर, न होई खचित
तैसे *तू तिथे मी*
रहाणार सदोदित
आहे तसेच आपले हे
दोन तने एक मन
विसर पडे , न कदा
जीवा एकही क्षण
रहावे तू मम संगती
असेच वाटते मनात
साथ हवी निरंतर
हीच आस अंतरात 3
येते नभी चांदणी
वाट पहाते चंद्राची
तैसे *तू तिथे मी*
असणार सदाची 4
कशी जगेल मासोळी
जला विना पळभर
तुझ्या अस्तित्वाने
दिसे दिशा खरोखर 5
वैशाली वर्तक
फक्त तुझी
४ गुंतता हृदय हे
कधी अशी मी गुंतले
माझे मलाची कळेना
काय अशी तुझी जादु
केलीस तू मला उमजेना
आवडे रमणे तुझ्यात
तव विचाराचा ध्यास
होते बावरी तुला बघताच
सदा भेटण्याची आस
गंध विलसतो फुलात
मी वसते तव अंतरी
एकरुप होते मनात
राहीन समीप निरंतरी
जैसे शशी येण्याची नभी
वाट पहाते चांदणी सदा
तीच ओढ मनी माझ्या
मी फक्त तुझीच सर्वदा
वैशाली वर्तक
काव्य निनाद साहित्य मंच पुणे
आयोजित उपक्रम क्रमांक ४५९
४/५/२४
विषय..माझा होशील का?
कधी अशी मी गुंतले
माझे मलाची कळेना
काय अशी तुझी जादु
मला खरेच उमजेना
आवडे रमणे तुझ्यात
तव विचाराचा ध्यास
होते बावरी तुला बघताच
सदा भेटण्याची आस
गंध विलसतो फुलात
मी वसते तव अंतरी
एकरुप होते मनात
वाटे रहावे समीप निरंतरी
जैसे शशी येण्याची नभी
वाट पहाते चांदणी सदा
तीच ओढ मनी माझ्या
मी फक्त तुझीच सर्वदा
घेऊनी कर माझा हाती
आता एकची तुज मागणे
माझा तू होशील का?
हेच तुजला विनवणे.
वैशाली वर्तक
अहमदाबाद
मोहरली लेखणी साहित्य समूह
आयोजित उपक्रम
विषय ...आपले प्रेम झुले
7/9/7/9
प्रेम रंगी न्हाहता
प्रीत तुजवरी जडली
आपले प्रेम झुले
दोन मने एक जाहली
तुला माझे मानता
तुझे अन माझे संपले
एकरुप तुझ्यात
माझे मी पण न ऊरले
प्रेम आपुले झुले
येवो किती उन पाऊस
हात हाती असता
उपभोगली सारी हौस
प्रेम रंगी रंगता
रमले स्वप्नात जीवनी
मनाने आनंदले
हिंदोळ्यावर मनोमनी
प्रेमामृत
शीर्षक.. आपले प्रेम झुले
प्रकार .. काव्य बत्तीशी
7/9/7/9
प्रेम रंगी न्हाहता
प्रीत तुजवरी जडली
आपले प्रेम झुले
दोन मने एक जाहली
तुला माझे मानता
तुझे अन माझे संपले
एकरुप तुझ्यात
माझे मी पण न ऊरले
प्रेम आपुले झुले
येवो किती उन पाऊस
हात हाती असता
उपभोगली सारी हौस
प्रेम रंगी रंगता
रमले स्वप्नात जीवनी
मनाने आनंदले
हिंदोळ्यावर मनोमनी
पाजिले प्रेमामृत
एकमेकाना आजवरी
येता जवळी सांज
आठवणी दाटल्या उरी
वैशाली वर्तक
अहमदाबाद
वैशाली वर्तक
अहमदाबाद
वैशाली वर्तक
अहमदाबाद
पहिली भेट
पादाकुलक वृत्तात प्रयत्न
अवचित आली समोरून ती
सहजच झाली भेट तिच्याशी
तिला पाहता भावली खरच
भरली माझ्या थेट हृदयाशी
छंदच जडला मजला आता
रोज शोधतो नवा बहाणा
मला समजले जाहलोय मी
आता तिचाच पूर्ण दिवाना
लागले वेड माझ्या जीवा
तिच्या मोहक आस रुपाची
वाटे मजला लागला एकच
आस लागली भेट घेण्याची
################################
मोहरली लेखणी साहित्य समूह
आयोजित
विरोधी काव्य रचना
विषय ... प्रेम खरं आहे
*प्रेम करा स्वतःवर*
प्रेम हे असते स्वतः वर
अन् तेची असते उचित
प्रेम जपावे स्वतः साठी
हेच सांगते खचित
जसे प्रत्येक कर्मात
हेतु दिसे दडलेला
प्रेमातही गुण अपेक्षा
सदा असे लपलेला
आपत्यांना लावी लळा
मोद देतात सदासाठी
असे आशा बळावलेली
उद्याची आधार काठी
किती सांगावे , बोलावे
निरपेक्ष प्रेम असावे
पण खरं प्रेम कुठे तरी.
अपेक्षेतच झुरावे
म्हणून सांगते ऐका
प्रेम ठेवा मर्यादित
प्रेम करा स्वतःवर
प्रेम रंगी व्हावे आनंदित
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा