शब्दरजनी साहित्य समूह
विषय - श्रावण सोमवार
*स्पर्धेसाठी*
*भोलेनाथ*
असे पावन श्रावण
सोमवार त्यात खास
सर्व सणांचा महिमा
शिव शुंभुचा हमखास 1
बिल्वपत्र वाही शिवा
भक्त सारे होती गोळा
उपवास करी जन
भासे मंदीरी सोहळा 2
सोमवारी शिवामुठ
नामजप बेलपान
ओम नमः शिवाय
ऐकता हरपते भान 3
सोमवार आवडीचा
शाळा सुटे लवकर
शिवालया जाण्यासाठी
होउ तयार भरभर 4
भक्ती भावे पुजू शंकरा
करु नित्य आराधना
होई प्रसन्न महादेव
आळविता त्याची प्रार्थना 5
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा