काव्यस्पंदन
अष्टाक्षरी
कसा नागमोडी मार्ग
दिसतोय काळाशार
रहदारी तुरळक
कधी करणार पार
सावलीचे नाही नाव
आहे रूक्षता भकास
नाही ओलावा पाण्याचा
दगडांची भारी रास
मार्ग आहेच दुर्गम
नाही कुठेच वर्दळ
थांबण्यास न ठिकाण
रस्ता मात्र तो नितळ
कुठे मैदाने सपाट
येथे खडक दुस्तर
निसर्गाची ही किमया
आहे पहा खरोखर
एका बाजूस रस्त्याने
कडे कपारी अपार
घाट आहे वळणाचा
अवघड वाट फार
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा