अ भा म सा प समूह 02
आयोजित
उपक्रम 62
विषय -- भक्तीचा मळा
येता महिना आषाढ
सय येतेच वारीची
येते विठु नाम ओठी
दिसे मुर्ती माऊलीची 1
वारकरी होती गोळा
भासे भक्तीचा तो मळा
चाले विठुचा गजर
हरी नामाचा सोहळा 2
भजनात सारे लीन
भक्त गण होती दंग
एक मेकात पाही विठु
गाती तुक्याचे अभंग 3
चिपळ्यांच्या नाद कानी
दुम दुमली पंढरी
टाळ बोलती विठ्ठल
भक्ती रसाची नगरी 4
इंद्रायणी काठी पहा
तुक्या ज्ञानाचा गजर
वैष्णवांचा जमे मळा
सारे भक्तची हजर 5
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा