उपक्रम 135
शब्दसेतू साहित्य मंच
विषय -- प्रेमरंगी रंगताना
अष्टाक्षरी रचना
शीर्षक-- *रंग प्रेमाचे*
प्रेम उत्कट भावना
कसे करु गुणगान
सुखदायी असे भाव
मिळे मना समाधान
आई लेकराचे प्रेम
भावा बहिणीची माया
वडिलांची सर्वांवर
कर्तृत्वाची प्रेम छाया
मित्रत्वाचे प्रेम रंग
जैसा कृष्ण सुदाम्याचे
सख्या सोबतीचे प्रेम
आपुलकी विश्वासाचे
देश भक्तांनी अर्पिले
प्राण पणाला लावूनी
देश प्रेम भाव होता
मनी भरला ठासूनी
निसर्गाचे धरेवर
प्रेम वसे सदाकाळ
दावी तो बहु रंगात
घडे आशेची सकाळ
प्रेम दिसे देवाचेही
त्याच्या भक्तांवर असे
गाथा तारुनिया दिल्या
भक्तीरंगी प्रेम दिसे
वैशाली वर्तक
अहमदाबाद
३/४/२०२१
कोणत्याही टिप्पण्या नाहीत:
टिप्पणी पोस्ट करा