अधीर झाले मी ! तव दर्शनास
मनी एक ध्यास ! सदासाठी 1
मुखी नाम घेते ! करिते रटण
दाखव चरण! तूची आता 2
कसे आले दिन ! गाठ भेट नाही
मन वाट पाही ! भेटण्याची 3
आप्त जना साठी ! जीव हा तुटतो
धीर हा सुटतो !सदाकाळ 4
काय वेळ आली! कशी महामारी !
कोण आम्हा तारी !तुजवीण 5
कसा राखू धीर ! मन हे अधीर
जरी मी सुधीर ! ठेवूकैसे 6
करीती प्रयास ! जरी सारे जन
निराशले मन! सकळांचे ! 7
मन हे अधीर !ये ना उध्दाराया !
तूच रामराया ! जगताला !! 8
वैशाली वर्तक
कोणत्याही टिप्पण्या नाहीत:
टिप्पणी पोस्ट करा