नक्षत्र वेल
*अनमोल भेट*
दिली आई वडिलांनी
जपण्यास निरंतर
संस्काराची मज भेट
अनमोल खरोखर
सदा करावे वाचन
लेखणीत हवी गती
सेवा करण्या भाषेची
दिली आईनेच मती
करा नित्याने व्यायाम
हवी कला अवगत
वडिलांनी पोहण्यात
केले मला पारंगत
देई साथ जीवनात
माझा सखा साथीदार
अनमोल भेट रूपी
त्याचे महत्व अपार
अनमोल या भेटींनी
माझा संसार फुलला
काय अजूनी ते हवे
सांग देवा तू मजला
वैशाली वर्तक
कोणत्याही टिप्पण्या नाहीत:
टिप्पणी पोस्ट करा