शहर आणि गाव

उपक्रम
शहर आणि गाव

विजेच्या प्रकाशाने  न दिसे
नभीचे तारे शहरात
 रात्रीच्या  चांदण्याचे सौंदर्य
पहाण्यास जावे गावात

गावी शांत निर्मळ जीवन
कधीच नसे धावपळ
 अन्  नेत्रास मात्र  मिळे
पहावयास सर्वत्र  हिरवळ

वहानांची न वर्दळ
रहदारीचा न त्रास
प्रदुषण नसलेले
जीवन गावात खास

आवडे सुख सोयीचे जीवन
त्यासाठी  शहराकडे धाव
पण खरे सुख समाधान
मिळे  गावात हेच नसे ठाव

 आधुनिक औषध उपचार
मिळवण्या शहराकडेच बरे
 गावात कुठून मिळणार सुविधा
जीव वाचविण्या शहरच योग्य ठरे     

वैशाली वर्तक