सरस्वती स्तवन अभंग शारदादेवी

रविवारीय  साहित्य स्पर्धा  क्रमांक 29

काव्य प्रकार   अभंग

विषय - शारदा देवी

ब्रह्मा विष्णू शिव । 

करिती नमन। 

तुझेच पूजन। 

देवी माते  ।।                   1

श्वेत वस्त्र धारी   । 

कांती ज्योत्स्नेपरी  । 

शोभे वीणा करी   । 

तुजनमो  ।।                      2

जडता मतीची ।

हरण्या स्तवन  । 

करी सारे जन ।   

देवी तुझे ।।                    3

कमळा आसनी । 

वीणा झंकारते  । 

मनास लोभते  । 

रुप तुझे  ।।                     4

ज्योर्तीमय मूर्ती  । 

गाते गुण गाथा । 

टेकविते माथा  ।  

तुझेपायी   ।।                     5

सोज्वळ ते रुप  । 

मना समाधान । 

विद्या वरदान । 

देतअसे  ।।                      6

देवी सरस्वती । 

आले मी शरण । 

करीते वंदन   । 

तुजलागी   ।। 

     

वैशाली वर्तक

अहमदाबाद

साहित्य कला यात्री महाराष्ट्र राज्य स्तरिय
ईशस्तवन स्पर्धा
सरस्वती स्तवन

माते देवी सरस्वती
तुज करिते नमन
तूच विद्येची दायिनी
तुला आले मी शरण

शुभ्र शोभिवंत माळा
श्वेत वस्त्र परिधान
शांत सोज्वळ ते रुप
देई मना समाधान

श्वेत कमळ आसन
हाती वीणा झंकारते
वसो चित्ती रुप तुझे
सदा मनास लोभते

ब्रह्मा विष्णू महेश ही
तुज करिती नमन
मंद मती हरण्यास
करु तुझेच पूजन

ज्योतिर्मय तव मूर्ती
किती गाऊ गुण गाथा
 ठेवीतसे   मी विनयाने
तव चरणी हा  माथा

वैशाली वर्तक 30/10/2019