निशु शब्दिका/राधाकृष्ण प्रेम सहाक्षरी राधेचा श्रीहरीनार गवळ्याची

राधा कृष्ण प्रेम
निशु शब्दिका काव्य

जिथे पहाते तिथे
तो एकमात्र
कृष्णच कृष्ण
दिसे तिला सर्वत्र     1

राधेचे मनी चाले
हरी चिंतन
कृष्ण कृष्ण ची
बोले तिचे कंकण     2

कृष्ण वाजवी पावा
बावरी राधा
वळूनी पाहे
प्रीती ची तीज बाधा   3

वृंदावनी ती खेळे
हरीचा संग
राधा मुरारी
खेळण्यात ची दंग     4

मुरलीचा तो नाद
पडता कानी
बावरी राधा
होई कृष्ण दिवानी     5

मूर्ती मंत हे प्रेम
भक्ती प्रतिक
ते अव्दैताचे
प्रेम त्यांचे सात्त्विक     6

वैशाली वर्तक  28/9/2019

साहित्य  प्रज्ञा समूह आयोजित 

षडाक्षरी काव्य लेखन

विषय -  राधेचा श्रीहरी

ध्यानी मनी तिच्या l 

देवकी नंदन l

मुखी हरीनाम

करिता मंथन l 

अविरत करी l 

हरिचे चिंतन l

बोली कृष्ण कृष्ण 

तियेचे कंकण l

नको जाऊ कृष्णा l 

कैसे कंठु दिन l

जीव तुजवीण ll 

माझा होतो क्षीण l

मुरलीचे वेड l

 लावीतो श्रीहरी

 आहे राधाभोळी 

भाळीली बावरी l 

राधा रमणचे l

 प्रेमच आगळे l

आहे सर्वाहून l

जगी या वेगळे l 

श्रीहरी राधेचा l 

आत्मा एकरुप l

पहा अव्दैताचा l

प्रगटला दीप l

वैशाली वर्तक 

अहमदाबाद

मनातली काव्य अक्षरे

विषय - नार गवळ्याची

नार गवळ्याची

वेडी ती राधिका

मग्न चिंतनात

संगती गोपिका          1

राधा गवळण

करिते चिंतन

अविरत मनी

करिता मंथन           2

तिचा तो मुरारी

वाजवी बासरी

ऐकता सुरांना

होते ती बावरी          3

दुध दही लोणी 

घेऊनी  बाजारी

गवळणी जाती

गोकुळच्या नारी     4

आक्रोश करीती

सा-याच गोपिका

नेता मोहनास

विनवी राधिका  5

वैशाली वर्तक 

अहमदाबाद