गणेश स्तुती

गणेश स्तुती  
                                8/9/2018
गजानना गणराया
तुला प्रथम मोरया
मान तुझाच सर्वदा
आधी तुलाच वंदुया

            शुभंकर तू सर्वांचा
            बाप्पा वाटे आपुला
            तूचीअसे सुखकर्ता
            किती नांवे रे तुजला

तूच असे दुःखहर्ता
ठेव कृपा दृष्टी सदा
हीच विनंती तुजला
नको करु कष्टी कदा

             सर्व व्यापी असे तूची
             तूची असे लंबोदर
              महाकाय बुध्दीमान
              जन वदती ओंकार

चौदा विद्या अवगत
तव महिमा अपार
अधिपती स्वामी तूच
कुणी म्हणती मंदार

                 अल्प मती आम्ही जन
                 काय वर्णू तव गुण
                 श्रध्दा ठेवूनी मनांत
                 आले तुजला शरण.
                             वैशाली वर्तक ......8/9/2018