वचन

- वचन

देतो वचन जवान मनस्वी
देश रक्षणा राहीन तत्पर
येवोत कितीही संकटे मजवरी
वचनबध्द सैनिक आहे सत्वर

           सप्तपदी विधी लग्नातला
           असे सात वचनांचे पालन
           अनुसरता त्या पावलांना
          होते सुखी जीवनाचे कारण

कैकयीने मागता वर
दशरथ पडला विचारात
धाडावे लागले वनीं रामास
दिलेले वचन पाळण्यात

           घेतात देवाला स्मरुनी
           डाॕक्टर , वचन स्व-पेशाची
           सुश्रृषा करिती लोकांची
           निस्वार्थ बुद्धीने ऋग्णाची

.

नागरिक सारे आपण बांधव
केवळ न करिता प्रतिज्ञा वाचन
वचन घेऊन  प्रत्येकाने
वर्तले , तरच होते वचनांचे पालन ...

       .... ........ वैशाली वर्तक