दिवाळी (अष्टाक्षरी)

विषय ः-दिवाळी

         दिपावली असे सण   

         माझ्या  सदा आवडीचा

         आनंदाची उधळण

         दावी  रूप  संस्कृतीचा 

                    आला सण दिवाळीचा 

                     स्नेह ज्योती उजळिल्या
                      सजलीत घरदारे
                     दीपमाळा सजविल्या

आनंदाच्या प्रकाशात
होई दिवाळी साजरी
मुले बाळे नटलेली
गोड दिसती गोजरी

             लाडू ,चिवडा, चकली
             अनारसे जाळीदार
              झाल्या दंग गृहिणी
              बनविण्या चवदार

सुवासिक उटण्याचा
गंध सारा फैलावत
स्नाने अभ्यंग चालती
फटाक्याच्या आवाजात

           लक्ष्मी पूजन सोहळा
          दारी सजल्या रांगोळ्या
          लाह्या बत्तासे प्रसाद
          शोभिवंत भुईनळ्या

प्रतिपदा दिन असे
साडेतीन मुहुर्ताचा
शेवटचा भाऊबीज
बंधु प्रेमाच्या नात्याचा

                अशी असे दिपावली
                सर्व सणांची ही राणी
               " शुभ दिवाळी "सर्वांना
                  हीच प्रभो  विनवणी.