अभा म ठाणे जिल्हा समूह१
आयोजित
विषय - अबोल मी अबोल तू
अबोल तू अबोल मी
भावना मी मनीच्या जाणेल
प्रीतीला नसतेच गरज
शब्दा विना सारे उमजेल
पक्षांना असते कुठली भाषा
तरी कळतात भावना
मन जुळता अबोल पणे
पूर्ण होतात मनीच्या कामना
बासरीचे सूर ऐकता
राधा होई बावरी
अबोल पणात खूप सारे
सहज उमजे कधीतरी
नयन असती बोलके
नजर ईशारे असती ठाव
भाव मनीचे डोळ्यात
अचूक पणे सांगती भाव
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा