पाणपोई

वल्ड व्हिजन टाईम्स मधे प्रकाशित        

सर्व धर्म समभाव लोकशाही साहित्य मंच 

आयोजित उपक्रम 

विषय...पाणपोई 

नाही सहन  होतोय

 गर्मी नि उन्हाळा 

होई अंगाची काहीली

वाटे यावो पावसाळा.

सूर्य ओकतोय आग

नाही जरा दया माया

भाजून काढी अंगाला

सारे जन शोधी छाया

ठेवा पाणी पक्षांना 

व्याकुळ होती तहानेने 

मिळता पाणी पहा कशी

भिरभिरती आनंदाने 

 

पथिकाची शमविण्या तृष्णा 

पाणपोई करा तयार 

पाणी पिऊन मिळे शांती

जल असे जीवन अपार 

गुरे शोधती निवारा

चारा सारा वाळलेला

ठेवा पक्षांना पाणी

उन्हाने जीव कासावलेला

वैशाली वर्तक

अहमदाबाद