ओळकाव्य . ह्ददयामधले नाते हळवे. क्षण निवांत सांजचा

सिद्ध साहित्यिक समूह

आयोजित उपक्रम क्रमांक 520 

ओळकाव्य ...हृदयामधले हळवे नाते

नाते जडले अजाणता

जन्मा येताच मातेचे

हृदयी जागा अनुरागाची

वाहे झरे प्रेमळतेचे

केले जतन फुलापरी

हृदयी प्रेमाचा सागर

साहुनिया अनंत कष्ट

दिली भरुनी सुखाची घागर

होता  जरा दुखापत 

करी कंपित हृदयाला

नाते हृदयामधले हळवे

अस्वस्थ करी  मनाला

काळ लोटता जीवनाचा

बालक झाली  छत्रछाया

हृदयामधले नाते हळवे

बहरावे देण्या त्यांना माया

वैशाली वर्तक

अहमदाबाद

ओळकाव्य 

क्षण निवांत सांजेचा             26/6/2020

सांजवेळी सय येते
प्रत्येकास स्वगृहाची
जेथे मिळे मनःशांती
भेट होता स्वजनांची

वाट पाहती बालके
रंगलेली खेळण्यात
दारी उभी गृहलक्ष्मी
होई क्षणी आनंदात

तेजाळते सांजवात
करी मना प्रफुल्लित
शांत प्रसन्नता भासे
घर होई उल्हासित

शब्द गुंजताती कानी
रामरक्षा पठणाचे
**क्षण निवांत सांजेचा**
मनशांती मिळण्याचे

करुनिया गुज गोष्टी
घेउनिया हाती हात
मिळे मोद क्षणभर
मन रमे आठवात

वैशाली वर्तक