भव्य राज्यस्तरिय स्पर्धा क्रमांक ११
नशनल लायब्ररी वांद्रे व्हीजे मुंबई यांच्या विद्यमाने
सावित्रीबाई फुले रात्र शाळा
स्पर्धा क्रमांक ११
विषय ..तुझी आठवण येते
*आठवण तव कृपेची*
सोनसळी किरणांची
रोज करितोस ऊषा
येते देवा तुझी सय
मिळतात नव्या आशा
रुप पाहूनी अथांग
निर्मिलेल्या सागराचे
एक विशाल आभाळ
दिले विश्व बंधुत्वाचे .
ऋतू चक्र घडवून
आनंदाची पखरण
सूर्य चंद्र तारे नभी
करी तुझी आठवण.
बरसता जलधारा
होते वसुधा हरित
तुझी सय करी मना
सदाकाळ प्रफुल्लित
तुझ्या आठवांचा खेळ.
आहे या जगती न्यारा
तूची घडवीशी तोडीशी
जगातील पसारा सारा
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा