अभा मसा परिषद शब्दभाव साहित्य
आयोजित
उपक्रमसाठी
आष्टाक्षरी काव्य लेखन
विषय - आठवण येता तुझी
तुझ्या आठवणीत
आठवण तुझी येता
दुःख दाटते अंतरी
काही सुचेना मजला
काय करु सांग तरी
जाणे तुझे गरजेचे
घेण्या जीवनी भरारी
समजून सांगी मना
देत मनास उभारी
आठवण येता तुझी
सारे जाते विसरून
वाट पहाते क्षणाची
वाटे यावे परतून
वाटे आलाची समीप
पण असेची तो भास
आठवण येता तुझी
लागे भेटण्याची आस
जीव होई वेडा पिसा
मनी तुझाची तो ध्यास
आठवांच्या कल्पनेत
उरी अडकतो श्वास.
आठवण येता तुझी
नेत्र पहा पाणावले
अश्रू सदा लपवित
जीणे प्राप्तची जाहले
वैशाली वर्तक
अहमदाबाद
आभास हा
मन धावे तुज पाशी
जरी तू गेलास दूर
नसता तू जरी जवळी
भासाने भरे मनी ऊर
जसे राधेला दिसे शाम
क्षणभर चैन नसे मनाला
जळी स्थळी दिसे तिजला
भासे जवळी तूची आला
किती समजावू मनाला
आहे हा आभास सारा
तरी पाहे वळूनी वळूनी
दिन रात खेळ चाले न्यारा
नको वाटे जीणे आभासाचे
येऊन दाखव तव मुख
तुज भेटीस मन आतुरले
मिळू दे मनाला सुख
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा