रंग जीवनाचे

अभा ठाणे जिल्ह्या समूह 1

आयोजित  उपक्रम

7/5/22

विषय -  रंग जीवनाचे

      सप्त रंगी जीवन

आहे बहुरंगी जीवन

हवे तसे  भरावे रंग

भरता रंग होतो आनंद

रंगीत  जीवनी  व्हावे दंग

 होता सोनसळी उषा

रंग उधळे उत्साहाचा

देई मनाला नव्या दिशा

सोहळा भासे चैतन्याचा

नभी येता रवीराज

देती ऊर्जा तना मनाला

कार्यरत होता कामात

वेग येई  उत्कर्षाला

  जीवनात रंग नभीचे 

संध्याकाळी  मोद उरी

शांत सोज्वळ रंगी सांंज

घाव घेती भेटण्या घरी

सुख दुःख तर उन सावली

हर्ष संतोष राखा मनी

जीवन  आहे सप्त रंगी

सार्थक करु क्षणोक्षणी

वैशाली वर्तक 

अहमदाबाद