मोहरली लेखणी साहित्य समूह आयोजित भव्य
काव्य लेखन स्पर्धा
विषय --उंच जाई माझा झोका
उंच जाई माझा झोका
नसे सदा हिरवळ
कधी खडतर वाट
तर पहावी सुखद
असा जीवनाचा थाट
पेलावीत आव्हाने ती
टाका कष्टाचे पाऊल
उंच जाई झोका मग
लागे यशाची चाहुल
मनी जे जे कल्पियले
भाग्ये दिला सदा मोका
झाले साध्य जीवनात
उंच गेला माझा झोका
मिळविली निपुणता
घेता पाण्यात भरारी
आता करीते प्रयत्न
देई लेखणी उभारी
जडे निवृत्त काळात
मिळे साथ लेखणीची
आवडीचा छंद जीवा
सेवा माय मराठीची
वैशाली वर्तक
अहमदाबाद 1/12/20
कोणत्याही टिप्पण्या नाहीत:
टिप्पणी पोस्ट करा