काव्य स्पंदन राज्यस्तरीय समूह 02
काव्य स्पंदनी रविवारीय स्पर्धा
काव्य प्रकार - षडाक्षरी
विषय - क्षणभर थांब
*निवांत*
किती पळशील
सदा जीवनात
क्षणभर थांब
जरा निवांतात 1
बघ उगवता
सूर्य गगनात
न्याहाळ तयाच्या
प्रभा आनंदात 2
पहा झुळुझुळु
वाहे तो निर्झर
निनाद ऐकण्या
थांब क्षणभर 3
सांजवेळी बघ
नभातील पक्षी
किती मनोहर
दिसतेय नक्षी 4
येता रवि नभी
कळ्या अलवार
फुलूनी डौलती
फुले हळुवार 5
मोहक मोगरा
फुलला पानात
गंध दरवळे
पहा क्षणार्धात 6
सृष्टीची किमया
पहा खरोखर
क्षणभर थांब
आहे मनोहर 6
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा