महाराष्ट्र गुणगान...चाराक्षरी सहाक्षरी गौरवशाली महाराष्ट्र माझा

महाराष्ट्र माझा

देशाच्या नकाशात चमके
  माझा महाराष्ट्र देश सदा
असे प्रिय मजला माझा देश
नावे ठेवलेली न गमे कदा

किती संस्कृती महान
 सदा दिसे विश्व बंधुभाव
मिळून मिसळून रहाती जन
उच नीच नसे कोणासी ठाव


सारेची सण उत्सव होती
असो गणपती वा रमजान
एक मेकाशी घेत भेटी
सारे मानती सर्व धर्म समान

 महाराष्ट्र संपन्न कला गुणांनी
असे तो संत वीरांची खाण
संगीत हा मातीतलाच गुण
नसे साहित्याची पण वाण

असा समृद्ध देश आमुचा
गाईन सदा तयाचे गुणगान
देशास दिधले खेळाडु अनेक
काय वर्णु कर्तृत्वाची शान

..............................,................................................

नृ क्र 4
   विषय-वाढवू शान महाराष्ट्राची

प्राणाहून प्रिय असे मजला
माझा महाराष्ट्र देश महान
वाढवू तयाची ख्याति जगता
उंचावेल जगी अपुलीच मान

करुया संस्कृतीची जपणूक
थारा न देता अंधश्रध्देला
मान ठेवूनी नारी जातीचा
स्मरुनी सदा जिजाऊ मातेला

दूर सारुया जाती धर्म
सावित्रींचा वाढवूया वसा
प्रगतीची विज्ञानाची धरुनी कास
देशात उमटवू महाराष्ट्राचा ठसा

बोलू, वाचू, लिहु मराठीत
माय मराठीचा वाढवू मान
एकच दिनी तिज न स्मरता
नीतदिन देउ तिला अधरी स्थान

आठवण करुनी इतिहासाची
 शोभिवंत करु गड किल्ल्यांची शान
दावु उज्वल इतिहास आपुला
जगती होता किती तो महान

भुमी आपली थोर संताची
गाउया तयांच्या सदाची गाथा
 शिकवण दिधली शांती समतेची
गर्जुया नमवून तयांना माथा

वैशली वर्तक
.........................................................................
यारिया साहित्य     समुह आयोजित महास्पर्धा
 महास्पर्धा फेरी क्र 4
स्फूर्ती गीत लेखन स्पर्धा
विषय - महाराष्ट्र देशा

शीर्षक - गाऊ तयाचे गुणगान
वर्ण- 16

माझा महाराष्ट्र देश , मजला जीव की प्राण
सर्व जगी भासे  मज तो सर्वाहूनी महान

आहे नटलेला सह्याद्रीच्या ,कडे कपारीत
राज्य हिंदवी स्थापिले , राजेंनी याच भुमीत
संत, वीरांची, कला साहित्याची, असे ती खाण
माझा महाराष्ट्र देश मजला जीव की प्राण

इंदायणी गोदा, कृष्णा भीमा, असती सरिता
भक्ती रसप्रदाची जिथे वाहे सदा कविता
वारकरी मन , येथेची विसरे देहभान
माझा महाराष्ट्र देश मजला जीव की प्राण

स्वप्न मनीचे साकारण्या, जन येथेची येती
मिळवुन नाव , पैसा , नशीब ही घडविती
छाया माया प्रेम देण्यात, तया सारे समान
माझा महाराष्ट्र देश मजला जीव की प्राण

माझा महाराष्ट्र देश मजला जीव की प्राण
सर्व जगी भासे  मज तो सर्वाहूनी महान
वैशाली वर्तक.....






शब्दरजनी साहित्य समुह आयोजित
स्पर्धेसाठी
भव्य राज्य स्तरीय प्रणु चाराक्षरी
काव्य प्रकार प्रणु चाराक्षरी
विषय - महाराष्ट्र
**दिन सोनियाचा**

शब्द रजनी साहित्य समुह
  प्रणू चाराक्षरी
विषय - महाराष्ट्र

देश माझा
महाराष्ट्र
भासे मज
सर्वोकृष्ट

मायबोली
असे छान
मराठीची
सदा शान

महाराष्ट्र
संस्कृती ती
सर्व जगी
जाणीताती

संस्कृती ही
छान किती
जगभर
 तिची ख्याती

सदा पुढे
साहित्यात
महाराष्ट्र
संगीतात

या देशाचा
डंका वाजे
सर्व क्षेत्री
नाव गाजे

किती वर्णू
गुणगान
महाराष्ट्र
ते महान

दिन आसे
सोनियाचा
गुणगान
 गावयाचा


 वैशाली वर्तक                                                                                                                                                    






वैशाली वर्तक   

षडाक्षरी काव्यलेखन स्पर्धा 

1मे 2021

विषय - महाराष्ट्र माझा 

     *प्राणाहूनी प्रिय*

आवडे मजला

*माझा महाराष्ट्र* 

 आहे भारतात

तोची सर्वोकृष्ट        1

*महाराष्ट्र  माझा*

जणु माझा प्राण

सर्व जगतात

असे तो महान          2

वसे सह्याद्रीच्या 

कडे कपारीत

हिंदवी स्थापिले

राजांनी भुमीत       3

संस्कृतीत पहा

  संपन्नता किती

सा-या जगतात

तिची आहे ख्याती      4

 

कला, साहित्यात    

पुढे ची पाऊल

पहा  खेळाडूंची

दिसते चाहुल            5

शोभिवंत करु 

किल्ल्यांची ती शान

दावु इतिहास 

किती तो महान         6

वैशाली वर्तक

अहमदाबाद

आ भा म सा प .समूह 2

महाराष्ट्र दिन

विषय -- *आभिमान महाराष्ट्राचा*

प्रिय असे मला  ।  माझा  महाराष्ट्र । 

आहे सर्वोत्कृष्ट   । भारतात    ।।       1

मम देश मज ।  जणु माझा प्राण । 

वाटे तो महान ।  जगतात । ।              2

हिंदवी राज्याची  । स्थापना भूमीत  । 

वसे सह्याद्रीच्या   । तो कुशीत      ।।     3

 मराठी संस्कृती  ।  संपन्नता किती   । 

तिची पहा ख्याती  ।  जगताती    ।।     4

पाऊल ते पुढे ।  कला साहित्यात  । 

 गायक  निष्णात । लता एक ।।           5

किती वर्णू त्याचे ।  मीच गुणगान  । 

असा तो महान ।  महाराष्ट्र    ।।           6

वैशाली वर्तक 

अहमदाबाद

स्पर्धेसाठी

अ भा म सा प , मंडणगड शाखा रत्नागिरी  विभागआयोजित

अष्टाक्षरी काव्य लेखन स्पर्धा 

विषय -- धन्य  महाराष्ट्र भूमी

      शीर्षक- 

माझा महाराष्ट्र देश 

मजला जीव की प्राण

सर्व जगी भासे  मज 

तो सर्वाहूनी महान                1

नटलेला सह्याद्रीच्या

 कुशी कडे कपारीत

राज्य हिंदवी स्थापिले 

शिवबांनी याच भुमीत              2

संत वीर कलावंत

साहित्यिक यांची खाण

*धन्य महाराष्ट् भूमी*

काय वर्णू त्याची शान             3

 

इंदायणी गोदा, कृष्णा 

भीमा, असती सरिता

भक्ती रसाची सदैव

 जिथे वाहते कविता             4

करी वारकरी येथे

विठू नामाचा गजर

विसरुनी देहभान

विठू दर्शना हजर               5

 स्वप्ने मनी रंगवूनी

 जन सारे येथे येती   

मिळवुन नाव , पैसा , 

भाग्य  उजळुनी जाती        6

वैशाली वर्तक 

अहमदाबाद 

वरची कविता नाव बदलून 

माझा महाराष्ट्र महान

गौरवशाली महाराष्ट्र माझा

*गौरवशाली महाराष्ट्र माझा*

भारताच्या नकाशात चमके सदा

असे प्रिय मजला माझा देश

नावे ठेवलेली न आवडे कदा

किती संस्कृती  असे महान

 सदा दिसे विश्व बंधुभाव

मिळून मिसळून रहाती जन

उच नीच नसे कोणासी ठाव

सारेची सण उत्सव होती

असो गणपती वा रमजान

एक मेकाशी घेत भेटी

सारे मानती सर्व धर्म समान

 महाराष्ट्र संपन्न कला गुणांनी

असे तो संत वीरांची खाण

संगीत हा मातीतलाच गुण

नसे साहित्याची पण वाण

गौरवशाली महाराष्ट्र माझा

गाईन सदा तयाचे गुणगान

देशास दिधले खेळाडु अनेक

काय वर्णु कर्तृत्वाची शान

..............................,............